მომსახურება
რას გთავაზობთ:
ჩვენი ონლაინ პრაქსისი გთავაზობთ ფსიქიატრიულ კონსულტაციასა და მკურნალობას.
თანამედროვე კომუნიკაციური ტექნოლოგიები საშუალებას იძლევა, ფსიქიატრიული კონსულტაცია და მკურნალობა ექიმისა და პაციენტის უშუალო კონტაქტის გარეშეც ჩატარდეს, მსურს ეს შესაძლებლობა გამოვიყენო და პაციენტებს მომსახურება ონლაინ რეჟიმშიც შევთავაზო.
ჩვენი მომსახურება მოიცავს ფსიქიატრიულ დაავადებათა თითქმის მთელი სპექტრის დიაგნოსტიკას და მკურნალობას. ძირითადი მიმართულებებია:
-
დეპრესიული სპექტრის აშლილობები
-
შფოთვითი აშლილობები
-
ობსესიურ-კომპულსიური აშლილობები
-
ყურადღების დეფიციტის და ჰიპერაქტიული სინდრომი*
-
პიროვნული აშლილობები
-
ფსიქოზური აშლილობები
გარდა მედიკამენტოზური მკურნალობისა გთავაზობთ საუბრებს ფსიქოედუკაციური და ქცევითი ფსიქოთერაპიის ელემენტების გამოყენებით.
*. გთხოვთ გაითვალისწინოთ, რომ საქართველოში ყურადღების დეფიციტის და ჰიპერაქტიულობის სინდრომის დიაგნოსტიკისთვის სტანდარტიზებული ინსტრუმენტები ქართულ ენაზე არ არსებობს. ამიტომ გთავაზობთ მხოლოდ საორიენტაციო დიაგნოსტიკას ზედმიწევნითი ინტერვიუირების საფუძველზე. სრულფასოვანი დიაგნოსტიკა შესაძლებელია ინგლისურ, გერმანულ და რუსულ ენებზე. ასევე გასათვალისწინებელია, რომ საქართველოში არ არის ხელმისაწვდომი ამ სინდრომის სამკურნალო, დასავლეთის ქვეყნებში სტანდარტად მიჩნეული მედიკამენტები.
ჩაწერა
ონლაინ შეხვედრაზე ჩაწერის პროცედურა:
-
ონლაინ შეხვედრის დასაჯავშნად გადადით ამ გვერდზე. შესაძლოა 60 ან 30 წუთიანი შეხვედრის დაგეგმვა. ეს ორი შესაძლებლობა კალენდარში ცალ-ცალკეა მოცემული. გთხოვთ, პირველი შეხვედრისთვის 60 წუთი, ხოლო მომდევნო შეხვედრებისთვის 30 წუთი დაჯავშნოთ. შეხვედრის სასურველი დროის რეზერვირების შემდეგ ელექტრონული ფოსტის მისამართზე მიიღებთ დამადასტურებელ იმეილს ვიდეო ზარის ბმულით.
-
შემდეგ გთხოვთ ჩამოტვირთოთ მკურნალობის ხელშეკრულება და ანამნეზის ფორმულარი. ორივე დოკუმენტი მოთავსებულია ამ გვერდზე მენიუს პუნკქტ „დოკუმენტები“-ს ქვეშ. გთხოვთ ამობეჭდოთ, ხელი მოაწეროთ კონტრაქტს და შეავსოთ ანამნეზის ფორმულარი.
-
ამის შემდეგ, გთხოვთ, გადაიხადოთ მომსახურების საფასური საბანკო გადარიცხვის გზით.
-
და ბოლოს, გთხოვთ, გამოაგზავნოთ გადახდის ქვითარი, მკურნალობის ხელშეკრულება და ამანეზის ფორმულარი .pdf ან .jpg ფორმატში ჩვენ ელექტრონული ფოსტის მისამართზე info@p-praxis.com
ონლაინ შეხვედრა შედგება მხოლოდ იმ შემთხვევაში თუ ზემოთ აღნიშნულ სამ დოკუმენტს გამოგვიგზავნით შეხვედრამდე არა უგვიანეს ერთი დღისა. წინააღმდეგ შემთხვევაში შეხვედრა გაუქმდება.
ხელმოწერილი ხელშეკრულების და ანამნეზის ფორმულარის შევსება მხოლოდ პირველი შეხვედრის წინ დაგჭირდებათ. მომდევნო შეხვედრების წინ მხოლოდ გადახდის ქვითრის გამოგზავნა იქნება საჭირო.
ონლაინ შეხვედრისთვის მომზადება:
ვიდეო ზარის დროს უნდა იმყოფებოდეთ კომპიუტერის წინ კარგი ხმის იზოლაციის მქონე ოთახში. ამ ოთახში თქვენს გარდა სხვა პირები არ უნდა იყვნენ. ვიდეო ჩართვის დროს გარეშე პირის დასწრება ექიმთან უნდა შეთანხმდეს. თქვენი და ექიმის ლაპარაკი გვერდზე ოთახში მყოფ პირებს არ უნდა ესმოდეთ. სურვილისამებრ, საუბრის დროს შეგიძლიათ გამოიყენოთ ყურსასმენები. თქვენი კომპიუტერი აღჭურვილი უნდა იყოს ვიდეო კამერით. პირველი შეხვედრის წინ გირჩევთ ვიდეო ზარის ლინკი 5 წუთით ადრე გააქტიუროთ იმისათვის, რომ შეხვედრამდე თქვენი მიკროფონის და კამერის გამართულობა შეამოწმოთ. კომპიუტერი უზრუნველყოფილი უნდა იყოს ვიდეოს გადაცემისთვის საკმარისი მაღალი სიჩქარის ინტერნეტით.
ჩემს შესახებ
2002 წელს დავამთავრე თბილისის სახელმწიფო სამედიცინო უნივერსიტეტი, რის შემდეგაც რეზიდენტურის პროგრამით ვმუშაობდი მ. ასათიანის სახელობის კვლევით სამეცნიერო ინსტიტუტში უმცროს ექიმად და 2007 წელს მომენიჭა სახელმწიფო სერტიფიკატები სპეციალობებში - ფსიქიატრია და ფსიქოთერაპია.
2005-2006 წლებში გავიარე სამაგისტრო კურსი Cognitive Neuroscience, Neuropsychology and Psychopathology ქალაქ მაასტრიხტში (ნიდერლანდები) და მომენიჭა აკადემიური წოდება Master of Science (M. Sc.).
2008 წელს ბერლინში (გერმანია) გადავსახლდი. თავიდან მეცნიერ-მუშაკად ვმუშაობდი საუნივერსიტეტო კლინიკის Charité – Universitätsmedizin Berlin am Charité Campus Mitte გენეტიკის კვლევით ჯგუფში.
2009 წელს დავიწყე ფსიქიატრიის და ფსიქოთერაპიის რეზიდენტურის ფარგლებში მუშაობა, ჯერ Vivantes Klinikum Hellersdorf -ში, ხოლო 2011 წლიდან საუნივერსიტეტო კლინიკაში Psychiatrische Universitätsklinik der Charité im St. Hedwig-Krankenhaus Berlin, სადაც 2016 წელს დავამთავრე რეზიდენტურა სპეციალობით ფსიქიატრია და ფსიქოთერაპია.
2018 წელს დავიცავი სადოქტორო დისერტაცია თემაზე „Potential Biomarkers of Schizophrenia – Three Genetic Studies“ და მივიღე აკადემიური წოდება Dr. med.
2017 – 2019 წლებში ვმუშაობდი ბერლინის სხვადასხვა კლინიკაში და ბევრ დროს ვუთმობდი სირიიდან, პაკისტანიდან და ჩეჩნეთიდან დევნილების ფსიქიატრიულ მკურნალობას.
2020 წლის განმავლობაში ვმუშაობდი ფსიქიურად დაავადებული დამნაშავეებისთვის განკუთვნილ დახურულ ფსიქიატრიულ კლინიკაში მთავარი ექიმის მოადგილედ.
2021 წლიდან დღემდე ვმუშაობ Fliedner Klinik Berlin ამბულატორიულ განყოფილებაში.
გარდა თერაპიული საქმიანობისა ვაკეთებ სასამართლო ექსპერტიზას ბერლინის სასამართლოებისთვის სამოქალაქო და სისხლის სამართლის განხრით.
ჩემი ინტერესებია მტკიცებულებაზე დაფუძნებული ფსიქოფარმაკოლოგია და ქცევით-კოგნიტური ფსიქოთერაპიის გამოყენება ფსიქიატრიაში. მაქვს მრავალწლიანი გამოცდილება თითქმის მთელი ფსიქიატრიულ აშლილობათა სპექტრის ამბულატორიულ მკურნალობასა და დიაგნოსტიკაში. გარდა ქართულისა თავისუფლად ვფლობ გერმანულ, ინგლისურ და რუსულ ენებს და მკურნალობას ყველა ჩამოთვლილ ენაზე ვეწევი.
ფასები
60 წუთიანი შეხვედრა (50 წუთი საუბარი და 10 წუთი დოკუმენტირების დრო) - 120 ლარი
30 წუთიანი შეხვედრა (20 წუთი საუბარი და 10 წუთი დოკუმენტირების დრო) - 60 ლარი
საბანკო რეკვიზიტი
TBC Bank
GE32TB7618636010100063
თუ არ ხართ საქართველოს მახცოვრებელი და/ან არ გაქვთ ქართული ბანკის ანგარიში, გთავაზობთ კონსულტაციას და მკურნალობას სხვა პლატფორმაზე. დაინტერესების შემთხვევაში მოგვწერეთ ქვემოთ მითითებულ საკონტაკტო იმეილზე
დოკუმენტები & კონტაქტი
პირადი ინფორმაციის დაცვის შესახებ
მკურნალობის ხელშეკრულება
საანამნეზო ანკეტა
პრაქსისთან კომუნიკაციისთვის გამოიყენეთ ჩვენი ელ-ფოსტის მისამართი: info@p-praxis.com
